Don't Miss
Home / NEWS / Keralam / “മുബൈയിലെ ഫ്ലാറ്റിന്‍റെ വാടകയും ചെലവും തന്നിരുന്നത് ബിനോയ് എന്ന് യുവതി; തന്നെയും കുഞ്ഞിനെയും കാണാൻ പതിവായി ആശുപത്രിയിൽ വന്നിരുന്നു; ബാര്‍ ഡാൻസര്‍ ജോലി ഉപേക്ഷിച്ചാൽ വിവാഹം ചെയ്യാമെന്ന് വാഗ്ദാനം ചെയ്തു”

“മുബൈയിലെ ഫ്ലാറ്റിന്‍റെ വാടകയും ചെലവും തന്നിരുന്നത് ബിനോയ് എന്ന് യുവതി; തന്നെയും കുഞ്ഞിനെയും കാണാൻ പതിവായി ആശുപത്രിയിൽ വന്നിരുന്നു; ബാര്‍ ഡാൻസര്‍ ജോലി ഉപേക്ഷിച്ചാൽ വിവാഹം ചെയ്യാമെന്ന് വാഗ്ദാനം ചെയ്തു”

മുംബൈ: തന്‍റെ വീടിന്‍റെ വാടകയും വീട്ടുചെലവും നല്‍കിയിരുന്നത് ബിനോയ് കോടിയേരിയായിരുന്നുവെന്ന് യുവതി. 2009 ഒക്ടോബറിൽ ദുബായിലെ തന്‍റെ ഫ്ലാറ്റിൽ വിളിച്ചു വരുത്തിയ ബിനോയ് കോടിയേരി തന്നെ വിവാഹം കഴിക്കാമെന്ന് വാഗ്ദാനം ചെയ്തെന്നും അവിടെ വെച്ച് ശാരീരികബന്ധം ഉണ്ടായെന്നും യുവതി പരാതിയിൽ പറയുന്നു. ദുബായിലെ മെഹ്ഫിൽ ഡാൻസ് ബാറിൽ വെച്ചാണ് ബിനോയിയെ പരിചയപ്പെട്ടതെന്നും പരിചയം സൗഹൃദത്തിലേയ്ക്ക് കടക്കുകയായിരുന്നുവെന്നും യുവതി പറഞ്ഞു.

2009 സെപ്റ്റംബറിൽ ഒരു സുഹൃത്തിന്‍റെ സഹായത്തോടെയാണ് താൻ ദുബായിലെത്തി ഡാൻസ് ബാറിൽ ജോലി ആരംഭിച്ചതെന്നാണ് യുവതി പറയുന്നത്. അവിടെ വെച്ചാണ് ബിനോയ് കോടിയേരിയെ പരിചയപ്പെടുന്നത്. അയാള്‍ എന്‍റെ മേൽ പണം വാരിയെറിഞ്ഞാണ് വിശ്വാസം പിടിച്ചു പറ്റിയത്. ഒരു ദിവസം എന്‍റെ മൊബൈൽ നമ്പര്‍ വാങ്ങി സംസാരിക്കാൻ ആരംഭിച്ചു. കേരളത്തിൽ നിന്നാണെന്നും ദുബായിൽ ഒരു നിര്‍മാണ കമ്പനിയുണ്ടെന്നുമാണ് എന്നോട് പറഞ്ഞത്. ഒരു അടുത്ത സുഹൃത്തായി മാറിയ ബിനോയ് തനിക്ക് വില കൂടിയ സമ്മാനങ്ങളും നല്‍കിയിരുന്നു. ഒരു ദിവസം തന്നെ വിവാഹം കഴിക്കാൻ താത്പര്യം പ്രകടിപ്പിച്ച ബിനോയ് തന്നോട് ഡാൻസ് ബാറിലെ ജോലി അവസാനിപ്പിക്കാൻ ആവശ്യപ്പെട്ടതായും യുവതി പറഞ്ഞു.
2007ൽ അച്ഛൻ മരിച്ചതിനെത്തുടര്‍ന്നാണ് ബിഹാര്‍ സ്വദേശിയായ യുവതി മുംബൈയിലെത്തിയത്. അവിടെ മൂത്ത സഹോദരിയുടെ കൂടെ താമസിച്ച് നൃത്തം പഠിച്ചു. 2009ലാണ് ദുബായിൽ വെച്ച് ബിനോയിയെ പരിചയപ്പെടുന്നത്. 2010 ഫെബ്രുവരിയിൽ യുവതിയോടൊപ്പം മുബൈ അന്ധേരിയിലെത്തിയ ബിനോയ് അവര്‍ക്ക് ഒരു ഫ്ലാറ്റും തരപ്പെടുത്തിക്കൊടുത്തു. ഫ്ലാറ്റിന്‍റെ വാടക കൊടുത്തിരുന്നതും ബിനോയ് തന്നെയെന്നാണ് പരാതിയിൽ പറയുന്നത്. ഈ സമയത്ത് താൻ ബിനോയിയോട് തന്നെ വിവാഹം ചെയ്യാൻ ആവശ്യപ്പെട്ടിരുന്നുവെന്നും എന്നാൽ അദ്ദേഹം ഓരോ കാരണം പറഞ്ഞ് ഒഴിഞ്ഞു മാറുകയായിരുന്നുവെന്നും യുവതി പറയുന്നു. 2010 ജൂലൈ 22നാണ് തനിക്ക് കുട്ടി ജനിക്കുന്നത്. ആശുപത്രിയിൽ സ്ഥിരമായി തന്നെയും കുട്ടിയെയും കാണാൻ ബിനോയ് എത്തിയിരുന്നു. തുടര്‍ന്ന് താമസം മറ്റൊരു ഫ്ലാറ്റിലേയ്ക്ക് മാറ്റി. ഈ സമയത്ത് ബിനോയിയോട് വിവാഹം കഴിക്കാൻ ആവശ്യപ്പെടാൻ തന്‍റെ അമ്മ പറയുമായിരുന്നുവെന്നു എന്നാൽ കുട്ടിയുടെ ഒന്നാം പിറന്നാളിന് വിവാഹം കഴിക്കാമെന്ന് വാഗ്ദാനം ചെയ്യുകയുമായിരുന്നുവെന്ന് യുവതി വെളിപ്പെടുത്തി. 2014ൽ വാടക കാലാവധി അവസാനിച്ചപ്പോള്‍ ജോഗേശ്വരിയിലെ മറ്റൊരു ഫ്ലാറ്റിലേയ്ക്ക്കും താമസം മാറി. എന്നാൽ അടുത്ത വര്‍ഷം തന്‍റെ ബിസിനസ് നഷ്ടത്തിലാണെന്നും ഫ്ലാറ്റിന്‍റെ വാടകയും തന്‍റെ ചെലവും നല്‍കാൻ കഴിയില്ലെന്നും ബിനോയ് പറഞ്ഞതായി യുവതി പറഞ്ഞു.